ជនសង្ស័យ២នាក់ រក្សាទុកគ្រឿងញៀនជាប់ខ្លួនត្រូវនគរបាលខណ្ឌទួលគោក ឃាត់ខ្លួន
03-April-2019 | ដោយ ពលមនសិការ
ភ្នំពេញ៖ ជនសង្ស័យ២នាក់ រក្សាទុកគ្រឿងញៀនជាប់ខ្លួនត្រូវនគរបាលខណ្ឌទួលគោក ឃាត់ខ្លួន ខណៈពេល បានចុះរឹត បន្តឹងច្បាប់ចរាចរណ៍ផ្លូវគោក កាលថ្ងៃអង្គារ ១៣រោច ខែផល្គុនឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី២ ខែមេសា ឆ្នាំ២០១៩ វេលាម៉ោង២២នឹង៣០នាទី នៅចំណុចលើផ្លូវលេខ២៤៥ ក្រុមទី៥០ ភូមិ៨ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។
លោកវរសេនីយ៍ទោ សុខ ហេង អធិការនគរបាលខណ្ឌទួលគោក បានឲ្យដឹងថាជនសង្ស័យទី១-ឈ្មោះ ហែម ប្រុសផាភេទប្រុស អាយុ២០ឆ្នាំ ជនជាតិខ្មែរ មុខរបរ ជាងដែកស្នាក់នៅកន្លែងធ្វើការសង្កាត់ព្រៃស ខណ្ឌដង្កោ រាជធានីភ្នំពេញ(ម្ចាស់ថ្នាំញៀន) និងទី២-ឈ្មោះ ជា ភីន ភេទប្រុស អាយុ២០ឆ្នាំ ជនជាតិខ្មែរមុខរបរជាងដែក ដេកនៅកន្លែងធ្វើការ សង្កាត់ព្រៃស ខណ្ឌដង្កោ រាជធានីភ្នំពេញ។
វត្ថុតាងដែលបានចាប់យករួមមានៈ ក្រាមសថ្លា ០១កញ្ចប់ (សង្ស័យជាគ្រឿងញៀន), និងម៉ូតូមួយគ្រឿងម៉ាកហុងដាឌ្រិមសេ១២៥ខ្មៅ ស្លាកលេខកំពុង់ស្ពឺ1F-3456 លេខតួនឹងម៉ាស៊ីន ៩០២១០៤៣។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅ សាលាដំបូងរាជធានីភ្នំពេញ ចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ7591
- ម្សិលមិញ6261
- សប្តាហ៍នេះ25971
- ខែនេះ141121
- ឆ្នាំនេះ141121
- សរុប20583577